କନ୍ଧମାଳ ଜିଲ୍ଲା ବାଲିଗୁଡ଼ାରେ ଦିନ ଦ୍ବିପହରରେ ହୁତୁହୁତୁ ହୋଇ ଜଳିଗଲା ଘରୋଇ ବସ୍ “ କ୍ରିଷ୍ଣା ”। ଖବରପାଇ ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିବା ବେଳେ ବସଟିର ଅଧାକାଂଶ ଭାଗ ପୋଡ଼ି ନଷ୍ଟ ହୋଇଯାଇଥିବା ଜଣାପଡ଼ିଛି । ଏଭଳି ଘଟଣା ଦେଖିବାକୁ ମିଳିଛି କନ୍ଧମାଳ ଜିଲ୍ଲା ବାଲିଗୁଡ଼ା ଥାନା ନିକଟରେ । ସୂଚନା ପ୍ରକାରେ ଦୀର୍ଘ ଦିନ ହେବ ବସଟି ରୁଟରେ ନଯାଇ ସ୍ଥାନୀୟ ଏସଡିପିଓଙ୍କ ସରକାରୀ କ୍ୱାର୍ଟର ଓ ଥାନା ପାଚେରୀ ମଝିରେ ଥିବା ରାସ୍ତା କଡ଼ରେ ଠିଆହୋଇ ରହିଥିଲା । ତେବେ ଠିଆ ହୋଇଥିବା ବସରେ କିଭଳି ନିଆଁ ଲାଗିଲା ସେନେଇ ଏଯାବତ୍ କୌଣସି ସ୍ପଷ୍ଟ ସୂଚନା ମିଳିପାରିନାହିଁ । ସେପଟେ କେଉଁ କାରଣରୁ ବସରେ ନିଆଁ ଲାଗିଲା ସେନେଇ ବାଲିଗୁଡ଼ା ପୋଲିସ୍ ତଦନ୍ତ ଆରମ୍ଭ କରିଥିବା ଜଣାପଡ଼ିଛି । ତେବେ ଠିଆ ହୋଇଥିବା ବସରେ କିଭଳି ନିଆଁ ଲାଗିଲା।
ରିପୋର୍ଟ : ଜ୍ୟୋତି ପ୍ରକାଶ ସାମନ୍ତରାୟ