ମିକ୍ସଚର ଫ୍ୟାକ୍ଟ୍ରି ରେ ଅଗ୍ନିକାଣ୍ଡ l ବାଲିଗୁଡା ସହର ର ନୁଆସାହି ସ୍ଥିତ ମା ତାରିଣୀ ଏଣ୍ଟର ପ୍ରାଇସେସ ନାମକ ମିକ୍ସଚର ଫ୍ୟାକ୍ଟ୍ରି ରେ ନିଆଁ ଲାଗି ଜଳି ପୋଡି ପାଉଁଶ ହୋଇଗଲା ଲକ୍ଷାଧିକ ଟଙ୍କା ର ସାମଗ୍ରୀ l ଗତକାଲି ରାତ୍ରି ପ୍ରାୟ ସାଢେ ଗୋଟେ ସମୟରେ ମିକ୍ସଚର ଫେକ୍ଟ୍ରି ରେ କୌଣସି କାରଣ ରୁ ନିଆଁ ଲାଗି ଯାଇଥିଲା l ମିକ୍ସଚର ଫ୍ୟାକ୍ଟ୍ରି ର ମାଲିକ ବିଳମ୍ବିତ ରାତିରେ ବାହାର କୁ ଆସି ଧୂଆଁ ବାହାରୁଥିବା ଦେଖିବାକୁ ପାଇଥିଲେ l ତେବେ କବାଟ ଖୋଲି ଦେଖିବା ସମୟରେ ଫେକ୍ଟ୍ରି ରେ ନିଆଁ ବ୍ୟାପି ସାରିଥିଲା l ବାଲିଗୁଡା ଅଗ୍ନିଶମ ବାହିନୀ କୁ ଖବର ଦେବା ପରେ ଘଟଣା ସ୍ଥଳରେ ପହଂଚି ପ୍ରାୟ ଦୁଇ ଘଣ୍ଟା ପରେ ନିଆଁ ଆୟତ୍ତ ହୋଇଥିଲା l ତେବେ ଅଗ୍ନିକାଣ୍ଡ ରେ ବହୁ ମେସିନାରୀ, ଜେନେରେଟର,ମିକ୍ସଚର ତିଆରି ପାଇଁ ପ୍ରସ୍ତୁତ ହୋଇ ରହିଥିବା ବହୁ କଞ୍ଚା ମାଲ ସମେତ ଗଛିତ ଥିବା ବେସନ, ଚାଉଳ ଗୁଣ୍ଡ ପେକେଟ ଭଳି ବହୁ ସାମଗ୍ରୀ ନଷ୍ଟ ହୋଇଥିବା କହିଛନ୍ତି ମିକ୍ସଚର ଫେକ୍ଟ୍ରି ର ମାଲିକ l ତେବେ ସଟ ସର୍କିଟ ରୁ ଅଗ୍ନିକାଣ୍ଡ ହୋଇଥିବା ଅନୁମାନ କରାଯାଉଥିବା ବେଳେ ପ୍ରାୟ ଦଶ ଲକ୍ଷ ଟଙ୍କା ରୁ ଉର୍ଦ୍ଧ ମୂଲ୍ୟ ର କ୍ଷୟ କ୍ଷତି ହୋଇଥିବା ମିକ୍ସଚର ଫେକ୍ଟ୍ରି ର ମାଲିକ ଅଶୋକ ସାହୁ କହିଛନ୍ତି l
Advertisement:
