ବାଣ ବିସ୍ଫୋରଣରେ । ଉଡିଗଲା ଘରର ଛାତ । ଦୁର୍ଘଟଣାରେ ଗୋଟିଏ ପରିବାରର ୨ ଜଣକର ମୃତ୍ୟୁ ହୋଇଥିବା ବେଳେ ଆଉ ୨ ଜଣ ଗୁରୁତର ହୋଇଛନ୍ତି । ମୃତକ ଦୁଇ ଜଣ ହେଲେ ଜଗତସିଂହପୁର ସଦର ଅଞ୍ଚଳ ବଡ଼ବାଗ ଗାଁର ସୁଶୀଲ ଦାସ ଙ୍କ ପୁଅ ରାଜେଶ ଦାସ ଓ ତାଙ୍କ ସ୍ତ୍ରୀ ରାନୀ ଦାସ । ସେହିଭଳି ଆହତ ମାନେ ହେଲେ ମୃତ ରାଜେଶଙ୍କ ମଝିଆଁ ଭାଇ ପରେଶ ଦାସ ଓ ତାଙ୍କ ପତ୍ନୀ ଲକ୍ଷ୍ମୀପ୍ରିୟା ଦାସ ।
ଗତକାଲି ରାତିରେ ବଡ଼ବାଗ ଗାଁରେ ଏହି ଅଘଟଣ ଘଟିଛି । ବାଣ ଭିଡ଼ୁଥିବା ବେଳେ ଏଥିରେ ବଡ଼ ଧରଣର ବିସ୍ଫୋରଣ ହୋଇଥିଲା । ଫଳରେ ଏକ କୋଠା ଘରର ଛାତ ସମେତ କାନ୍ଥ ଭାଙ୍ଗି ଛିନଛତ୍ର ହୋଇଯାଇଥିଲା । ଭଙ୍ଗା କୋଠା ଭିତରେ ଘରର ପରିବାରର ସଦସ୍ୟ ଚାପି ହୋଇ ରହିଥିଲେ ।
ଘଟଣାସ୍ଥଳରେ ପୋଲିସ, ଅଗ୍ନିଶମ ଓ ଓଡ୍ରାଫ ବାହିନୀ ପହଞ୍ଚି ଆହତମାନଙ୍କୁ ଉଦ୍ଧାର କରି ଚିକିତ୍ସାଳୟ ନେଇଥିଲେ । ବିସ୍ଫୋରଣ ସ୍ଥଳରୁ ଦୀର୍ଘ ୩ ଘଣ୍ଟା ଧରି ଉଦ୍ଧାର କାର୍ଯ୍ୟ ଜାରି ରହିଥିଲା । ତେବେ ଏହି ବିସ୍ଫୋରଣ କିଭଳି ହେଲା, ବିସ୍ଫୋରଣ ପଛର କାରଣ ବାଣ ନା ଆଉ କିଛି ଏବଂ ଯଦି ବାଣ ତେବେ ଏହା ଆଇନ ସମତ କି ବେଆଇନ୍ ଭାବେ ଭିଡ଼ା ଯାଉଥିବା ସେ ସମ୍ପର୍କରେ ପୋଲିସ ଓ ପ୍ରଶାସନ ପକ୍ଷରୁ ପରବର୍ତ୍ତୀ ଅବସ୍ଥାରେ ତଦନ୍ତ କରାଯିବ, ବର୍ତମାନ ସୁଦ୍ଧା ସାଇଣ୍ଟିଫିକ ଟିମ ଏବଂ ବମସ୍କ୍ୱାଟ ପହଂଚି ତଦନ୍ତ କରୁଛନ୍ତି ବାଣ ବିସ୍ପୋରଣ ହେଇଛି ନାଁ ଅନ୍ୟକେଉଁ କାରଣ ରୁ ବିସ୍ପୋରନ ହୋଇଛି ତାହା ଜଣାପଡିନି ।