ବରୀ,୨୨।୧୨ : ବର୍ଷା ପାଇଁ ବାତିଲ ହେଲା ଯଯାତି କେଶରୀ ଜେନା ମେମୋରିଆଲ ଦିବାରାତ୍ର ଭଲିବଲ୍ ଟୁର୍ଣ୍ଣାମେଣ୍ଟ। ଯାଜପୁର ଜିଲ୍ଲା ବରୀ ବ୍ଲକ ସାହୁପଡ଼ା ଧାରପୁର କଚେରୀ ପଡିଆ ଠାରେ ସଞ୍ଜିବ ସେନା ତରଫରୁ ଡିସେମ୍ବର ୨୨ ଅର୍ଥାତ ଆଜି ଅପରାହ୍ନରେ ଆୟୋଜିତ ହେବାକୁ ଯାଉଥିବା ଭଲ୍ଲି ବଲ୍ ଟୁର୍ଣ୍ଣାମେଣ୍ଟ ସ୍ଥଗିତ ରଖା ଯାଇଛି। ଗତ 3 ଦିନ ହେବ ଲଘୁଚାପ ଜନିତ ବର୍ଷା କାରଣ ରୁ ସମ୍ପୂର୍ଣ୍ଣ ପଡିଆରେ ବର୍ଷା ପାଣି ଏବଂ କାଦୁଅ ଜମି ରହିଛି। ଯାହା ଫଳରେ ପଡିଆ ଟି ଖେଳ ଉପଯୋଗୀ ନୁହେଁ ବୋଲି ଅନୁଷ୍ଠାନ ତରଫରୁ ପ୍ରକାଶ କରାଯାଇଛି। ପାଣିପାଗ ର ପରିବର୍ତ୍ତନ କାରଣରୁ ଏହି ମ୍ୟାଚ ବାତିଲ ରଖା ଯାଇ ଆଗାମୀ ଦିନରେ ପାଣିପାଗ କୁ ଲକ୍ଷ କରି ପୁନଶ୍ଚ ଆହୁରି ଉନ୍ନତ କରି ଆୟୋଜନ କରିବା ନିମନ୍ତେ ସଞ୍ଜିବ ସେନା ତରଫରୁ ପ୍ରକାଶ କରା ଯାଇଛି।
ତେବେ ବିଗତ ଦିନରେ ସାହୁପଡା ଧାରପୁର ମାଟି ଭଲ୍ଲିବଲ୍ ଖେଳରେ ରାଜ୍ୟସ୍ତରରେ ସୁନାମ ଆଣିଥିବା ବେଳେ ଏହି ଅଞ୍ଚଳର ସୁନାମ ଧନ୍ୟ ଖେଳାଳି ବ୍ରଜ କିଶୋର ପାଣି ଏବଂ ଦିବ୍ୟାଙ୍ଗତ ଯଯାତି କେଶରୀ ଜେନା ଭଲ୍ଲିବଲ୍ ଖେଳରେ ଓଡିଶାରେ ଚର୍ଚ୍ଚିତ ଚେହେରା ଥିଲେ। ତେବେ ସେହି ସ୍ମୃତି ଏବଂ ସେହି ଖେଳପ୍ରେମକୁ ଏହି ମାଟିରେ ପୁନଃ ଉଜ୍ଜୀବିତ କରିବା ପାଇଁ ସଞ୍ଜିବ ସେନାର ଆବାହକ ସଞ୍ଜିବ କୁମାର ଜେନା ଏହି ଖେଳ କୁ ଆୟୋଜନ କରିଥିଲେ। ତେବେ ଏହା ଆଗାମୀ ଦିନରେ ପାଣି ପାଗକୁ ଲକ୍ଷ କରି ଆହୁରି ଉନ୍ନତ କରି ଏହି ଖେଳ ଆୟୋଜନ କରିବାକୁ ସଞ୍ଜିବ ସେନା ତରଫରୁ ପ୍ରକାଶ କରା ଯାଇଛି।