ଜମିବାଡ଼ି ବିବାଦକୁ ନେଇ ଭଙ୍ଗାଯିବ ବିଶ୍ରାମଗାର। ବିଶ୍ରାମଗାର କୁ ନ ଭାଙ୍ଗିବା ପାଇଁ ପ୍ରତିବାଦ ରେ ନିଆଁ ଜାଳି ରାସ୍ତା ରୋକ କଲେ ଗ୍ରାମବାସୀ । ସୂଚନା ଅନୁଯାୟୀ ଗଞ୍ଜାମ ଜିଲ୍ଲା ସୋରଡ଼ା ବ୍ଲକ ସରାବାଡି ଗ୍ରାମପଞ୍ଚାୟତର ଯୋଡ଼ାବନ୍ଧ ଛକରେ, ପ୍ରାୟ ଚାଳିଶି ବର୍ଷ ପୂର୍ବରୁ ଥିବା ଯାତ୍ରୀ ବିଶ୍ରାମ ଗାରର ପୁନଃ ଉଦ୍ଧାର ପରେ, ଏବେ ବିବାଦ ରୂପ ନେଇଛି ବିଶ୍ରାମଗାରର ଜମି। ସମ୍ପୃକ୍ତ ଜାଗା ର କିଛି ଅଂଶ ଉପରେ ଖାରୀଗୁଡା ଗ୍ରାମ ର ସୁବାସ ଚନ୍ଦ୍ର ଗୁରୁଙ୍କ ଅଭିଯୋଗ ପରେ, ଉଚ୍ଚନ୍ୟାଳୟ ବିଶ୍ରାମ ଗାରର କିଛି ଅଂଶକୁ ଭାଙ୍ଗିବା କୁ ନିର୍ଦେଶ ଦେଇଛି। ଆଉ ସେଇଥି ପାଇଁ ସ୍ଥାନୀୟ ଚାକୁଣ୍ଡା, ଗୁଣ୍ଡିରୀବାଡି, ସରାବାଡି ଗ୍ରାମର ଗ୍ରାମବାସିଙ୍କ ମଧ୍ୟରେ ଉତ୍ତେଜନା ଦେଖା ଦେଇଛି । ଏହି ତିନି ଖଣ୍ଡର ଗ୍ରାମ ବାସି ବିଶ୍ରାମ ଗାର କୁ ନ ଭାଙ୍ଗିବା ପ୍ରତିବାଦ ରେ ଆଜି ବଡ଼ଗଡ଼ ଓ ସୋରଡ଼ାକୁ ସଂଯୋଗ କରୁଥିବା ରାଜ୍ୟ ରାଜପଥରେ ନିଆଁ ଜାଳି ରାସ୍ତା ଅବରୋଧ କରିଛନ୍ତି ଅଞ୍ଚଳବାସି । ଯାହା ଫଳରେ ଯାତାୟାତ ବାଧା ପ୍ରାପ୍ତ ହୋଇଛି |